सिरहाको गोलबजारमा भेटियो प्रेसर कुकर बम, डिस्पोजको तयारी

सिरहा। सिरहाको गोलबजार नगरपालिका–४ मा आइतबार बिहान प्रेसर कुकर बम फेला परेको छ । बनकवाबाट गोलबजारतर्फ आउने बाटोमा नेपाल टेलिकमको टावर नजिकै प्रेसर कुकर बम भेटिएको हो ।

इलाका प्रहरी कार्यालय गोलबजारका अनुसार राति करिब ४ बजेको समयमा बम फेला परेको हो । प्रेसरकुकर देखिए पनि घाँसभित्र राखिएकाले यकिन हुन सकेको छैन् ।

बम डिस्पोजका लागि सिरहाको चोहर्वास्थित नेपाली सेनाको श्री नयाँ गोरख गणबाट सेनाको बम स्पिोजल टोली गएको छ । सशस्त्र प्रहरी र नेपाल प्रहरीले २ सय मिटरको दूरीमा घेरा हालेर राखेको छ ।

बम भेटिएको ठाउँ नजिकै मिति, छाप र आधिकारिक हस्ताक्षर समेत नरहेको ‘स्वतन्त्र तराई निर्माण सेना’को पर्चा भेटिएको छ । पर्चामा औपनिवेशिक शासनविरुद्धको तराई मुक्ति आन्दोलनले पहिलो दशक पूरा गरी दोस्रो दशक पूरा गरेको त्यसका लागि हुने संघर्षलाई निरन्तराता दिन सहयोगको अपेक्षा गरिएको उलेख छ ।