काठमाडौँ । साताको अन्तिम कारोबार दिन बिहीबार नेपाल स्टक एक्सचेन्ज (नेप्से) परिसूचक ८.४१ अङ्कले घटेर २,६११.८५ विन्दुमा बन्द भएको छ। पछिल्ला केही दिन यता सकारात्मक देखिएको बजार आज सामान्य ओरालो लाग्दै बन्द भएको हो।

आजको दिन कूल १ करोड ७४ लाख २३ हजार कित्ता शेयर किनबेच हुँदा ७ अर्ब ८ करोड ३३ लाख रुपैयाँ बराबरको कारोबार भएको छ। यो अघिल्ला दिनको तुलनामा केही कम हो, जसले लगानीकर्ताहरूको सतर्कता संकेत गर्छ।

नेप्सेका अनुसार, आज ८२ वटा कम्पनीको शेयरमूल्य वृद्धि भएको छ भने १६४ कम्पनीको मूल्य घटेको छ। एउटा कम्पनीको मूल्य स्थिर रहेको छ।

आज पनि ओम मेगाश्रीको शेयरमूल्यमा सकारात्मक सर्किट लागेको छ, जसले लगानीकर्ताहरूको ध्यान आकर्षित गरेको छ।

त्यस्तै, कारोबारका आधारमा सबैभन्दा बढी कारोबार सोल्टि होटलको भएको छ। सोल्टि होटलको मात्र ४६ करोड १९ लाख रुपैयाँ बराबरको शेयर कारोबार भएको नेप्सेले जनाएको छ।