सिनामंगलको होटलमा युवा-युवती मृत भेटिए

काठमाडौं । काठमाडौंको सिनामंगलस्थित एक होटलमा युवा–युवती मृत्त अवस्थामा फेला परेका छन् । होटल जन्मभूमिको एउटै कोठामा सुनसरी जिल्ला ठेगाना भएका करिव २५-२६ वर्ष उमेरका रमेश माझी र त्यस्तै उमेरकी नाम नखुलेकी युवती झुण्डिएको अवस्थामा मृत फेला परेका हुन् । युवा–युवती मृत भेटिएको सूचना आएपछि अहिले घटनास्थलमा प्रहरी पुगेको छ ।

जिल्ला प्रहरी परिसर काठमाडौंका एसपी तथा प्रवक्ता नवराज अधिकारीका अनुसार झुण्डिएको अवस्थामा उनीहरु मृत रहेको भन्ने जानकारी आएको छ । प्रहरी टोली घटनास्थलमा भर्खर पुगेकाले थप विवरण आइसकेको छैन । उनीहरूले आत्महत्या गरेका हुन सक्ने प्रहरीको अनुमान छ ।