धादिङमा दुई वटा बस ठोक्किए, १३ जना घाइते

काठमाडौं । धादिङको आदमघाटमा दुई वटा यात्रुवाहक बस एक आपसमा ठोक्किएका छन् । बुधबार धादिङको आदमघाटमा दुई वटा यात्रुवाहक बस ठोक्किएको जिल्ला प्रहरी कार्यालय धादिङका प्रमुख दिपेन्द्र शाहीले जानकारी दिए ।

जिल्ला प्रहरी कार्यालय धादिङका अनुसार पृथ्वी लोकमार्गमा काठमाडौंबाट गोरखातर्फ जाँदै गरेको बा ४ ख ४४७६ नं.को बस र विपरित दिशाबाट आउँदै गरेको बा ५ ख ३४९५ नं.को बस एक आपसमा ठोक्किएका थिए।

शाहीले भने, ‘१३ जना घाइते भएको भन्ने जानकारी छ । त्यसमध्ये दुई जनाको अवस्था गम्भीर छ । उहाँहरूलाई काठमाडौं रेफर गरिएको छ। अन्य घाइतेको धादिङमा उपचार भइरहेको छ ।’