तिहारमा माइत हिंडेकी महिला मृत फेला

काठमाडौं । डोटीको बडिकेदार गाउँपालिका २ को सहजपुर–बोगटान सडक खण्डको चिन्नेमा एक महिला मृत भेटिएकी छिन्। जिल्ला प्रहरी कार्यालय, डोटीका अनुसार ५५ वर्षीया भागादेवी भाटको शव सडकबाट करिब एक सय मिटर तल भिरालो जमिनमा घोप्टो परेको अवस्थामा भेटिएको हो ।

उनी आफ्नो घरबाट तिहारका लागि माइती जाने क्रममा रहेको जनाइएको छ । स्थानीयहरूका अनुसार उनी लामो समयदेखि उच्च रक्तचापले पीडित थिइन् । महिला मृत फेला परेको खबरपछि घटनास्थलमा प्रहरी टोली पुगेर घटनाबारे अनुसन्धान थालेको छ । प्रहरीका अनुसार घटनाका बारेमा मृतकका आफन्तलाई जानकारी गराइएको छ र घटनास्थलमा आवश्यक अनुसन्धान प्रक्रिया अघि बढाइएको छ ।