नेपाल मर्चेन्ट बैंकर्स संघको नयाँ कार्यसमितिद्वारा नेपाल धितोपत्र बोर्डका अध्यक्षसँग शुभकामना आदानप्रदान

काठमाडौं । नेपालीहरुको महान चाड शुभ दिपावली, छठ पर्व तथा नेपाल सम्वत् ११४५ को पावन अवसरमा नेपाल मर्चेन्ट बैंकर्स संघको नव-निर्वाचित कार्यसमिति पदाधिकारीहरुले नेपाल धितोपत्र बोर्डका अध्यक्ष महेश बराललाई शुभकामना आदानप्रदान गरेका छन् ।

कार्यक्रम ललितपुरको खुमलटारस्थित नेपाल धितोपत्र बोर्डको कार्यालयमा सम्पन्न भएको थियो । कार्यक्रममा नेपाल मर्चेन्ट बैंकर्स संघका नव-निर्वाचित अध्यक्ष रामेन्द्र रायमाझी, निवर्तमान अध्यक्ष विजय लाल श्रेष्ठ, उपाध्यक्ष मनिष नारायण जोशी, महासचिव निर्मल भट्टराई, कोषाध्यक्ष शिभान्त राज पाण्डे तथा सदस्यहरु सन्दिप कार्की, पुष्प शर्मा र लेखनाथ पोख्रेलको उपस्थिति रहेको थियो ।

उक्त अवसरमा संघका अध्यक्ष रामेन्द्र रायमाझी लगायत कार्यसमिति सदस्यहरुले पूँजी बजारका समसामयिक विषय र सुधारका सम्भावनाबारे अध्यक्ष बरालसँग विचार-विमर्श गरेका थिए । कार्यक्रमको क्रममा अध्यक्ष बरालले मर्चेन्ट बैंकर्सहरुसँग सहकार्य गर्दै पूँजी बजारको विकासमा अघि बढ्ने प्रतिबद्धता व्यक्त गरेका थिए ।

नेपाल मर्चेन्ट बैंकर्स संघको यो कदमले पूँजी बजार सुधार र प्रगतिको दिशामा थप योगदान पुग्ने विश्वास गरिएको छ ।