काठमाडौं । संघीय पुनर्बीमा दलालका कार्यवाहक प्रमुख कार्यकारी अधिकृत विशालदीप अधिकारी ‘सबैभन्दा अग्रगामी पुनर्बीमा ब्रोकिङ सीईओ’ बाट सम्मानित भएका छन्। अधिकारी बेलायतको एआई ग्लोबल मिडिया अन्तर्गत ग्लोबल सीईओ एक्सिलेन्स अवार्डबाट सम्मानित भएका हुन्।
नेपालको बीमा र पुनर्बीमा उद्योगमा नेतृत्व र प्रभावकारी योगदान पुर्याएकोले अधिकारीलाई सम्मानित गरिएको हो। अधिकारीको नेतृत्वमा, एफआरबीएलले नेपालको पुनर्बीमा क्षेत्रलाई उल्लेखनीय रूपमा अगाडि बढाएको छ।
अधिकारीले स्थानीय बीमा व्यवसायीहरूको सीप अभिवृद्धि तथा विभिन्न कलेजका विद्यार्थीहरूको लागि शैक्षिक सत्रहरूको सुविधा, तिनीहरूमा बीमा र पुनर्बीमा सिद्धान्तहरूको ज्ञान दिंदै पनि आएका छन्।
२०२२ मा स्थापित फेडरल पुनर्बीमा ब्रोकर्स लिमिटेड एक पब्लिक लिमिटेड लाइसेन्स प्राप्त कम्पनी हो। नेपाल बीमा प्राधिकरण द्वारा नेपालमा पुनर्बीमा ब्रोकरेज र सम्बन्धित सेवाहरू प्रदान गर्दै आएको छ। यस संस्थाले आइएसओ ९००१: २०१५ बाट पनि प्रमाणित छ।
प्रतिकृया दिनुहॊस