आफ्नै घरमा पाहुना आएका भिनाजुको खुकरी हानेर हत्या

काठमाडौं । भिनाजुको हत्या गरेको आरोपमा सोलुखुम्बुमा एक जना पक्राउ परेका छन् । पक्राउ पर्नेमा थुलुङ दूधकोशी गाउँपालिका-२ देविस्थानका ४५ वर्षीय पूर्णबहादुर बस्नेत रहेका छन्

सोही गाउँपालिका-१ नेले बस्ने आफ्नै भिनाजु ६० वर्षीय सुरेश बस्नेतको हत्या गरेको आरोपमा उनी शनिबार पक्राउ परेका हुन् ।

पूर्णबहादुरले आफ्नै घरमा पाहुना आएका सुरेशलाई खुकुरी प्रहार गरी हत्या गरेको प्रहरीले जनाएकाे छ । घटनाको थप अनुसन्धान भइरहेको प्रहरीले जनाएको छ ।