मुगुको गमगढीमा प्रभु बैंकको ३०६औँ शाखा

काठमाडौं । प्रभु बैंक लिमिटेडले मंगलबारदेखि मुगुको छायानाथ रारा नगरपालिका २ मा रहेको गमगढीमा ३०६औँ शाखा खोलेको छ। योसँगै कार्यालयको सेवा सञ्चालनमा आएको बैंकले जनाएको छ।

गमगढी शाखामार्फत स्थानीय बासिन्दा, सर्वसाधारणहरु, व्यावसायिक फर्म, कम्पनी तथा संघ/संस्थाहरुले गुणस्तरीय सेवा उपभोग गरी लाभान्वित हुने र यस क्षेत्रको समग्र आर्थिक उन्नतीमा महत्वपूर्ण भूमिका निर्वाह गर्नेछ भन्ने बैंकले विश्वास लिएको छ।

प्रभु बैंकले व्यावसायिक सञ्जाल विस्तार गर्दै विभिन्न ठाउँहरुमा शाखा कार्यालय सञ्चालनमा ल्याएर सर्वसाधारणलाई बैंकिङ सेवा दिइरहेको छ।