माइपे मनि ट्रान्सफरले पायो रेमिट्यान्स भित्राउने लाइसेन्स

काठमाडाैं । माइपे मनि ट्रान्सफरले नेपाल राष्ट्र बैंकबाट विप्रेषण (रेमिट्यान्स) भित्राउने लाइसेन्स प्राप्त गरेको छ।

लाइसेन्स पाएसँगै कम्पनीले अस्ट्रेलिया, कोरिया, मलेसिया, जापान, अमेरिका, क्यानडा तथा युरोपेली देशहरुबाट नेपालमा रेमिट्यान्स भित्राउने योजना बनाएको छ। यससँगै केही दिनभित्र नै व्यावसायिक कारोबार सञ्चालन गर्ने कम्पनीले जनाएको छ।

‘हामीले विदेशबाट डिजिटल माध्यमबाट नै नेपालको कुनैपनि बैंक खातामा रकम पठाउन मिल्ने सिस्टम बनाएका छौं,’ माइ्पे मनि ट्रान्सफरका डिरेक्टर अफ सेल्स किरण भट्टराईले भने, ‘युवाहरुलाई लक्षित गरी सुरक्षित र विश्वासिलो रेमिट्यान्स कम्पनी बन्ने हाम्रो पहिलो लक्ष्य हो।’

यसका साथै माइपे मनि ट्रान्सफरमा पैसा पठाउँदा विभिन्न वालेटबाट पे आउट गर्न मिल्ने तथा १० हजार भन्दा बढी भौतिक एजेन्टबाट समेत रकम प्राप्त गर्न सकिने कम्पनीको भनाइ रहेको छ।

परम्परागत रुपमा हुँदै आएको रेमिट्यान्स कारोबारलाई नयाँ आयाम दिँदै न्युनतम लागतमा रेमिट्यान्स पठाएर आफ्ना ग्राहकहरुलाई अतिरिक्त लाभ महसुस गराउने कम्पनीको योजना रहेको भट्टराईले बताए।

नेपाल राष्ट्र बैंक विप्रेषण विनियमावली, २०७९ जारी भएपश्चात पहिलो कम्पनीका रुपमा माइपेले लाइसेन्स प्राप्त गरेको हो। नयाँ विनियमावलीमा नेपाल राष्ट्र बैंकले रेमिट्यान्सको लाइसेन्सका लागि २ करोड चुक्ता पुँजीलाई बढाएर १० करोड पुर्याएको थियो।

माइपे मनि ट्रान्सफरले लाइसेन्स पाएसँगै हालसम्म रेमिट्यासका कारोबारका लागि ३७ वटा कम्पनीहरूले इजाजतपत्र प्राप्त गरेका भएपनि हाल २१ कम्पनीहरूे मात्रै संचालनमा रहेका छन्।

बारेमा News desk

यॊ पनि हेर्नुहॊस

इसेवाले फेरि ल्यायो ‘मेरो यात्राको साथी’ अफर, २ लाख जित्ने मौका

काठमाडौं । इसेवाले यस वर्ष पनि पुन: ‘मेरो यात्राको साथी’ नामक अफर सार्वजनिक गरेको छ। …

प्रतिकृया दिनुहॊस