इन्भेष्टमेन्ट मेगाले तिर्‍यो मर्जर र एफपीओबापतको कर

काठमाडौँ । नेपाल इन्भेष्टमेन्ट मेगा बैंक (एनआईएमबी)ले मर्जर तथा प्राप्ती र एफपीओबापतको कर सरकारलाई तिरेको छ । बैंकले चालू आर्थिक वर्षको बजेटमार्फत गरिएको व्यवस्थाअनुसार मर्जर तथा प्राप्ती र प्रिमियममा जारी गरेको सेयरबापतको कर बुझाएको हो ।

बैंकले आर्थिक ऐन, २०८० को व्यवस्थाअनुसार ठूला करदाता कार्यालयमा कर तिरेको जानकारी दिएको छ । अर्थ मन्त्रालयले चालू वर्षको बजेटमार्फत मर्जर र प्राप्तिमा तथा एफपीओमा कर लाग्ने व्यवसथा गरेको थियो । यो व्यवस्थाविरुद्ध सर्वोच्च अदालत पुगेपनि बैंक तथा वित्तीय संस्थाको विरुद्धमा फैसला आएको थियो ।

सर्वोच्चले समेत सरकारको पक्षमा फैसला सुनाएपछि एनआईएमबीले १ अर्ब ९२ करोड २३ लाख २१ हजार रुपैयाँ कर बुझाएको जनाइएको छ ।