च्याम्पियन्स लिग टोलीमा मेस्सीको पुनरागमन

सेभिल्ला विरुद्धको खेलमा हातमा चोट बोकेयता मैदान बाहिरै रहेका मेसीलाई मंगलबार हुने च्याम्पियन्स लिगको खेलका लागि प्रशिक्षक एर्नेस्टो भाल्भार्देले टोलीमा समावेश गरेका हुन् । चोटपछि कम्तीमा तीन साता गुमाउने भनिए पनि मेसी सोचे भन्दा अगावै प्रशिक्षणमा फर्किएका थिए ।

मेसीलाई प्रशिक्षकले टोलीमा समावेश गरे पनि मैदानमा मौका पाउने/ नपाउने यकिन भएको छैन । मेसीले रियलसँगको एलक्लासिको गुमाए पनि बार्सिलोनाले रियलविरुद्ध ५-१ को शानदार जित निकालेको थियो ।