काठमाडाैं । पश्चिम नेपालका उच्च पहाडी भूभागमा हिमपात भएको छ । कर्णाली र सुदूरपश्चिमका उच्च पहाडी तथा हिमाली क्षेत्रमा बिहानै हिमपात भएको हो ।
कर्णालीको हिमाली जिल्ला मुगु र हुम्लामा गएरातिदेखि हिमपात भएको छ । जनजीवन कष्टकर बने पनि किसानमा खुशी छाएको छ ।
चिसो बढ्न थालेसँगै उच्च पहाडी तथा हिमाली क्षेत्रमा हिमपातको सम्भावना रहेको जल तथा मौसम विज्ञान विभागले जनाएको छ ।
विभागको मौसम पूर्वानुमान महाशाखाका अनुसार कर्णाली र सुदूरपश्चिमका उच्च पहाडी र हिमाल क्षेत्रमा हल्का हिमपात हुने आकलन गरेको छ । यससँगै लुम्बिनी र कर्णाली प्रदेशका पहाडी भूभागमा हल्का वर्षाको सम्भावना रहेको पनि महाशाखाले जनाएको छ । देशका अन्य भूभागमा भने सामान्य बदली हुने भएको छ ।
प्रतिकृया दिनुहॊस