एक वर्षका लागि डिशहोम फाइबरनेट जडान गर्दा ६ हजारसम्म छुट

काठमाडौँ । डिशहोम फाइबरनेट कम्पनीले नयाँ ग्राहक लक्षित नयाँ अफर सार्वजनिक गरेको छ। कम्पनीका अनुसार नयाँ अफर अन्तर्गत ५० एमबीपीएसको वार्षिक प्याकेजमा ६ हजार ६ सय ८५ रुपैयाँ (भ्याटबाहेक) सम्म छुट हुने उल्लेख छ।

कम्पनीका अनुसार ग्राहकले वार्षिक प्याकेज जडान गर्दा । फाईभ–जी (डुअल ब्यान्ड) राउटर समेत निःशुल्क पाउनेछन् यसअघि ५० एमबीपीएसको वार्षिक प्याकेजको मूल्य नै ७ हजार ७ सय ९९ रुपैयाँ थियो। १२ महिने योजना अफरमा नयाँ ग्राहकले ५० एमबीपीएस देखि ३ सय एमबीपीएससम्मका प्याकेज जडान गर्न सक्ने कम्पनीले जानकारी दिएको छ।

यस अन्तर्गत ग्राहकले ५० एमबीपीएसदेखि २ सय ५० एमबीपीएस सम्मको वार्षिक प्याकेज जडान गर्दा फाईभ–जी राउटर पाउनेछन् भने ३ सय एमबीपीएसको प्याकेज लिने ग्राहकले वाईफाई–६ राउटर पाउनेछन्।

यसअघि कम्पनीले फेस्टिभ २४ महिने अफर ल्याएको थियो। सो अफर समेत कायमै रहेको कम्पनीले जानकारी दिएको छ। सो अफरमा ५० एमबीपीएसको २४ महिने अफरको मूल्य १० हजार ४ सय ९९ (भ्याट बाहेक) राखिएको थियो।