बर्दिया कारागारबाटै कैदी फरार

काठमाडाैँ । बर्दिया कारागारमा कैद सजाय काटिरहेका एकजना कैदी कारागारबाटै फरार भएका छन् । कर्तव्य ज्यान मुद्दामा जिल्ला अदालत बर्दियाबाट सजाय पाएर विगत एक बर्ष देखि कैद भुक्तान गरीरहेका ठाकुरबाबा नगरपालिका -८ का २७ बर्षीय अजित बुढाक्षेत्री आज बिहान बर्दिया कारागारबाट भागेका हुन् ।

उनी बिहान करिब ३ बजे कारागारको ट्रस्टमाथि रहेको पर्खालबाट हाम फालेर फरार भएको बर्दिया कारागारका प्रमुख सन्तोष वि.क.ले बताए । उनका अनुसार बुढाक्षेत्रीले गत एक बर्षदेखि बर्दिया कारागारमा कैद भुक्तान गरीरहेका थिए ।