यौन मनोविज्ञानमा केन्द्रित ‘जुलेबी’

काठमाडौं । आगामी भदौ १ गतेदेखि देशभरका सिनेमाघरमा आउने तयारीमा रहेको चलचित्र ‘जुलेबी’को ट्रेलर सार्वजनिक गरिएको छ । चलचित्र यौन मनोविज्ञानमा केन्द्रित रहेको ट्रेलरले संकेत गदर्छ ।

चलचित्रको कथा सातजना पात्रहरूको सम्बन्धको वरिपरि घुमेको निर्देशक गणेश देव पाण्डेले जानकारी गराउनुभयो । महिलाले भोग्ने सम्बन्धको कथा चलचित्रले बोल्ने निर्माता आभा शर्मा नेपालले बताउनुभयो ।

कार्यकारी निर्माता नवीन भट्ट रहेको एन्थोलोजी जनरामा बनेको चलचित्र फोर क्युब इन्टरटेन्मेन्टको व्यानरमा निर्माण भएको हो । चलचित्रमा सुरक्षा पन्त, निशा अधिकारी, उषा रजक, मोनिका थापा, सुशील सिटौला, पुष्कर कार्की, तुफान थापा, समीरमणि दीक्षितलगायतको अभिनय छ । विवेक खड्काको छायांकन, जाटवेद बनर्जीको संगीत, अन्जय खड्काको सम्पादन छ चलचित्रमा ।