टाउकोमा इँटा प्रहार गरी महिलाको हत्या

सप्तरी । सप्तरीमा एक महिलाको हत्या भएको छ ।
राजविराज नगरपालिका–६ स्थित जिल्ला प्रहरी कार्यालयका प्रमुखको निवाससँग जोडिएको घरमा एक्लै बस्दै आएकी ५० वर्षीया आशा देवको शुक्रवार हत्या भएको प्रहरीले जनाएको छ ।
रक्ताम्य अवस्थामा शुक्रवार बिहान उनको शव फेला परेको हो । मृतकको टाउको र दायाँ आँखामा गम्भीर चोट लागेको छ । प्रहरीका अनुसार टाउकोमा ६ इन्च लम्बाइ र ४ इन्च चौडाइको गहिरो खत रहेको छ ।
मृतकको टाउकोमा इँटा प्रहार गरी हत्या गरेको अनुमान प्रहरीको छ । शव परीक्षणका लागि राजविराजस्थित अञ्चल अस्पतालमा राखिएको प्रहरीले जनाएको छ ।