कारबाट झरेर साइकलयात्रीलाई मुक्का हान्ने पक्राउ

काठमाडौं । साइकल चालकमाथि कुटपिट गरेको आरोपमा एकजना पक्राउ परेका छन् । मोरङ विराटनगर-४ दुधफारमस्थित कोशी राजमार्गमा साइकल चालक विराटनगर-६ बस्ने २७ वर्षीय पवन साहलाई कुटपिट गरेको आरोपमा १९ वर्षीय आयुष भेटुवाल पक्राउ परेका हुन् ।

बा. १५ च ३४४५ नम्बरको कारमा सवार आयुषसहित कुशल भेटुवाल र रोशन कार्कीले साहमाथि कुटपिट गरेको आरोप लागेको छ । कारबाट झरेर साहमाथि मुक्का प्रहार गर्दै घिसारेर घाइते बनाएको उनीहरूमाथि आरोप छ ।

आरोपितमध्ये आयुषलाई पक्राउ गरिएको र दुईजना फरार रहेकाले खोजी भइरहेको प्रहरीको भनाइ छ । उनीहरू विरुद्ध ज्यान मार्ने उद्योगमा म्याद थप भई कानुनी कारबाही अगाडि बढाइएको जनाइएको छ ।