दसैँ तिहारमा यी दिन बैंकहरु बन्द रहने

काठमाडाैं । यस पटक दसैँमा बैंकहरु पाँच दिन बन्द रहने भएका छन् । राष्ट्र बैंकका अनुसार असोज ३० गतेदेखि कात्तिक तीन गतेसम्म अर्थात फूलपातिदेखि एकादशीका दिनसम्म बैंकहरु बन्द रहनेछन् । अघिल्लो वर्षभन्दा यस पटक तीन दिनको विदा घटेको हो । अघिल्लो दसैँमा घटस्थापना, द्वादशी र कोजाग्रत पूर्णिमाका दिन समेत बैंकहरु बन्द रहने गरेका थिए ।

त्यस्तै तिहारमा कात्तिक २१ गते (लक्ष्मीपूजा) २२ गते (गोवद्र्धन पूजा) र २३ गते (भाइटिका)का दिन बन्द हुनेछन् ।