उद्योग वाणिज्य महासंघ कर्णालीको अध्यक्षमा शाही निर्विरोध

काठमाडौं । नेपाल उद्योग वाणिज्य महासंघ कर्णाली प्रदेशको अध्यक्षमा पदम बहादुर शाही निर्विरोध निर्वाचित भएका छन् । उनी तेस्रो पटक निर्वाचित भएका हुन् ।

कार्यसमितिमा उपाध्यक्षमा शुधन श्रेष्ठ, हर्ष विक्रम खड्का र सदस्यमा नामग्याल तामाङ, कुमार बुढाथोकी, कुमार प्याकुरेल, लक्ष्मी कार्की, ईन्द्र प्रसाद शर्मा, खड्क प्रसाद शर्मा र कमल नेपाल चयन भएका छन् ।

कोषाध्यक्षमा बुधबारसम्म सहमतिको प्रयास गरिने भएको छ । सहमति जुट्न नसके चुनावी प्रक्रियामा जाने तयारी गरिएको छ । विगतका कार्यकालमा आफूले गरेको कामको मुल्याकन हेरेर पुनः निर्विरोध निर्वाचित गराएको शाहीको भनाई छ ।