नेकपा एसले प्रचण्डलाई सशर्त विश्वासको मत दिने

काठमाडौँ । नेकपा एकीकृत समाजवादीले प्रचण्ड नेतृत्वको सरकारलाई सशर्त समर्थन गर्ने भएको छ । सो पार्टी आजै विश्वासको मत लिन लागेको माओवादी केन्द्रका अध्यक्ष पुष्पकमल दाहाल ‘प्रचण्ड’लाई मत दिने निर्णय गरेको हो ।

बिहान बसेको सचिवालय बैठकले सरकारलाई सशर्त समर्थन गर्ने निर्णय गरेको नेता जगन्नाथ खतिवडाले जानकारी दिए । ‘अहिले हामी विश्वासको मत दिन्छौँ, त्यो पनि सर्तसहित,’ उनले भने, ‘हाम्रा एजेण्डा र सर्तहरू पूरा नभएर जुनसुकै बेला पनि सरकारबाट बाहिरिन सक्छौँ , प्रतिपक्षमा बस्छौँ ।’