रवीना देशराजले सार्वजनिक गरिन् प्रेमीको तस्बिर

काठमाडौं । रवीना देशराज श्रेष्ठले सामाजिक संजालमार्फत् आफ्ना प्रेमीको तस्बिर सार्वजनिक गरेकी छन्।केहीदिनअघि मात्र मैगा बैंकको कामू सीईओबाट राजीनामा दिएकी उनले सामाजिक सञ्जालमार्फत आफ्नो प्रेमीको तस्बिर सार्वजनिक गरेकी हुन्।

उनले प्रेमी पाउँदा खुसी भएको बताएकी छिन्। रवीना कलाकार आयुष्मान र आशीरमानकी आमा तथा प्रियंका कार्कीकी सासू समेत हुन्।

रवीनाले बिहीबार सामाजिक संजालमा आफ्नो र प्रेमीको तस्बिर राख्दै लेखेकी छन्, ‘साथीहरू, ३२ वर्षको बैंकिङ करिअरबाट बाहिरिएपछि मेरो जीवन मात्रै परिवर्तन भएको छैन। मेरा पुर्खाहरू र ब्रह्माण्डको आशीर्वादका कारण मैले एकदमै दयालु, सम्मानजनक, कुरा बुझ्ने र मायालु सहयात्री पनि पाएको छु। यो कुरा बाँड्न पाउँदा मलाई अत्यन्त खुसी लागेको छ।’

उनले तस्बिरमा भएका आफ्ना प्रेमीका बारेमा थप भनेकी छन्, ‘म आज घोषणा गर्छु, उहाँ नै हुनुहुन्छ जसका लागि मैले यतिका वर्षहरू प्रार्थना गरिरहेकी थिएँ। उहाँलाई भेटेदेखि कसरी मेरो हृदय पूर्ण रूपमा फक्रियो र खुल्यो भनेर म व्यक्त गर्न सक्दिनँ। म उहाँबाट हरेक दिन धेरै कुरा सिक्छु…।’