काठमाडौं । मनकामना केवलकार आर्थिक वर्ष २०७७/७८ मा पर्यटन व्यवसायतर्फ सबैभन्दा धेरै आयकर तिर्ने कम्पनी बनेको छ । पर्यटन व्यवसायतर्फ सबैभन्दा धेरै आयकर तिरेको मनकामना केवुलकारलाई सरकारले सम्मान पनि गरेको छ ।
आन्तरिक राजश्व विभाग लाजिम्पाटमा भएको कार्यक्रममा अर्थसचिव कृष्णहरी पुष्कर लगायतले मनकामना केवलकारका प्रतिनिधिलाई सम्मानपत्र प्रदान गरेका छन् ।
मनकामना केवुलकार २५ वर्षमा प्रवेश गरेको छ । २०५५ सालको मंसिर ८ गतेदेखि नियमित सञ्चालनमा रहेको मनकामना केवुलकारले अहिलेसम्म १ करोड ७० लाख भन्दा धेरै यात्रु तथा भक्तजनलाई सेवा दिएको जनाएको छ । कुरिनटारदेखि मनकामनासम्म केवुलकार सञ्चालन भएपछि धार्मिक पर्यटन बढेको र वरपरका गन्तव्यमा पनि व्यापार व्यवसाय विस्तार भएको र फस्टाएको कम्पनीले जनाएको छ ।
प्रतिकृया दिनुहॊस