शनिवार ४३ जनामा कोरोना पुष्टि

काठमाडाै । नेपालमा पछिल्लो २४ घण्टामा थप ४३ जनामा कोरोना भाइरसको संक्रमण पुष्टि भएको छ । स्वास्थ्य मन्त्रालयले दिएकाे जानकारी अनुसार कोरोनाबाट पछिल्लो २४ घण्टामा एकजनाकाे पनि मृत्यु भएको छैन ।

हालसम्म कोरोनाबाट ज्यान गुमाउनेको संख्या १२ हजार १८ छ । शनिबार ४८ जना कोरोना संक्रमणमुक्त भएका छन् । हाल देशभर ७१६ जना कोरोनाका सक्रिय संक्रमित रहेको मन्त्रालयले जानकारी दिएको छ । गत २४ घण्टामा देशभर ४३५ पीसीआर तथा ३६३ एन्टिजेन परीक्षण भएको छ ।