गगनको अध्यक्षतामा बस्यो कांग्रेस पदाधिकारी बैठक

काठमाडौँ । नेपाली कांग्रेसकाे पदाधिकारी बैठक महामन्त्री गगनकुमार थापाकाे अध्यक्षतामा बसेकाे छ । कांग्रेस सभापति शेरबहादुर देउवा र दुई उपसभापति अनुपस्थित भएपछि बुधबार बोलाइएको नेपाली कांग्रेसको पदाधिकारी बैठक थापाको अध्यक्षतामा बसेको हाे ।

स्थानीय तहमा पार्टीबाट निर्वाचित जप्रतिनिधिका लागि ३० र ३१ साउनमा गर्ने तय भएको अभिमुखीकरण कार्यक्रमको तयारीका लागि बैठक बसेको हाे ।

बुधबार दिउँसो सुरु भएको बैठकमा सभापति देउवा र उपसभापतिद्वय पूर्णबहादुर खड्का र धनराज गुरुङ अनुपस्थित छन् । सभापति देउवा कार्यव्यस्तताका कारण बैठकमा उपस्थित हुन नसकेका हुन् ।