नेपालमा कोरोना संक्रमणबाट एक जनाको मृत्यु

काठमाडौं । नेपालमा कोरोना संक्रमणबाट एक जनाको मृत्यु भएको छ । स्वास्थ्य तथा जनसंख्या मन्त्रालयका अनुसार आइतबार बाग्मती प्रदेशका एक जना संक्रमितको मृत्यु भएको हो ।

आइतबार एक जनाको मृत्युभएसँगै कोरोनाबाट ज्यान गुमाउनेको सङ्ख्या ११ हजार ९ सय ५३ पुगेको छ । यस्तै आइतबार नेपालमा एक सय ३५ जना नयाँ कोरोनाका सक्तमित भेटिएका छन् ।

पिसिआर परिक्षणबाट एक सय १४ र एन्टिजिन परिक्षणबाट २१ जनामा संक्रमण पुष्टि भएको मन्त्रालयले जनाएको छ । आइतबार ५९ जना कोरोना मुक्त भएका छन् । हाल नेपालमा एक हजार ४ सय ३९ जना कोरोनाका संक्रिय संक्रमित रहेका छन् ।