१० दिनमा मतपत्र छाप्ने काम सकिन्छः आयोग

निर्वाचन आयोगका प्रवक्ता शालिकराम शर्मा पौडेलले स्थानीय तह निर्वाचनको मतपत्र छपाइ बढीमा १० दिनमा सकिने बताएका छन् । काठमाडौंमा आज आयोजित अन्तर्क्रियामा उनले यस्तो बताएका हुन् ।

उनका अनुसार हालसम्म एक करोड मतपत्र छपाइ भइसकेको छ, अब धेरै छपाइ बाँकी छैन । छपाइ भएको मतपत्र ४६ जिल्लाको लागि भएको उनको भनाइ छ।

आयोगका प्रवक्ता पौडेलका अनुसार सर्वाधिक काठमाडौंमा ४६ वटा दलका लागि मतपत्र छपाइ भएको छ।

मतपत्र जनक शिक्षा सामग्री केन्द्रले छपाइ गरिरहेको छ। आयोगले जिल्लामा दलगत स्थितिलाई ध्यानमा राखेर मतपत्र छपाइ गर्दै आएको छ।