केपी ओली नक्कली कम्युनिष्ट हुन् : झलनाथ खनाल

नेपाल कम्युनिष्ट पार्टी (एकीकृत समाजवादी) का सम्मानित नेता झलनाथ खनालले नेपालका धेरै कम्युनिष्ट पार्टीहरु कम्युनिष्टको खोल ओढेका नक्कली कम्युनिष्ट भएको बताएका छन्। नक्कली कम्युनिष्टलाई जनताले समयमै चिनेर नांगेझार पार्नुपर्ने उनले बताए ।

एकीकृत समाजवादीको भक्तपुर नगर समितिले शनिबार गरेको नगरस्तरीय भेला तथा पार्टी प्रवेश कार्यक्रममा बोल्दै नेता खनालले नेकपा एमालेका अध्यक्ष केपी शर्मा ओलीजस्ता यहाँ धेरै नक्कली कम्युनिष्ट नेता र पार्टी रहेको बताए। उनले यस्ता नक्कली कम्युनिष्टले दलाल पुँजीपति वर्गको सेवा गर्ने जनाए।

कार्यक्रममा विभिन्न पार्टी परित्याग गरि आएका ६९ जनालाई खनालले पार्टी प्रवेश गराएका थिए।