दाङमा जीप दुर्घटना हुँदा तीन जनाको मृत्यु, १० जना घाइते

दाङको तुलसीपुरबाट सल्यानको कपुरकोट जाँदै गरेको जीप दुर्घटना हुँदा तीन जनाको मृत्यु भएको छ। दुर्घटनामा दुई महिला र एक पुरुषको मृत्यु भएको भएको हो। मृत्यु हुनेको पहिचान खुलेको छैन।

राप्ती राजमार्गअन्तर्गत तुलसीपुर उपमहानगरपालिका-३ सिरखोलामा रा१ज ४३८ नम्बरको जीप दुर्घटना हुँदा १० जना घाइते भएका छन्।

दुर्घटनामा परी घाइते भएकाहरूको राप्ती प्रादेशिक अस्पताल तुलसीपुरमा उपचार भइरहेको ट्राफिक प्रहरी कार्यालय तुलसीपुरका प्रमुख कृष्ण पुजाराले जानकारी दिए।

जीप सडकबाट करिब २ सय मिटर तल खेतमा खसेको छ। जीपमा १३ जना यात्रु रहेको अनुमान गरिएको छ।