नेपाली कांग्रेस प्रदेश १ को सभापतिमा उद्वव थापा विजयी भएका छन्। थापाले ८४४ मत ल्याएर विजयी भएका हुन्। उनका प्रतिश्पर्धी गुरूराज घिमिरे २ मतले पराजित भए। घिमिरेले ८४२ मत पाएका छन्। निर्वाचनमा १ हजार ७५२ मत खसेको थियाे।
सभापतिमा निर्वाचित थापा नेपाली कांग्रेस झापाका पूर्व जिल्ला सभापति हुन् । उनलाई सभापति शेरबहादुर देउवा र नेता कृष्णप्रसाद सिटौलाकाे समर्थन थियाे।
प्रदेश उपसभापति पदमा संस्थापन पक्षका रमेशजंग रायमाझी ८९१ र टंकप्रसाद राईले ८४७ मत प्राप्त गरी विजयी बनेका छन्।
यस्तै महामन्त्रीमा संस्थापनका भुपेन्द्र राईले ८२४ र संस्थापनइतरका उमेश थापाले ८२३ मत ल्याएर जितेका छन्।
तपाईंको प्रतिकृया
