सन्दीपलाई एकपछि अर्को सफलता

काठमाडौँ । आइपीएलसँगै विश्व-११ बाट खेलेका नेपाली स्पिनर सन्दीप लामिछानेले एक पछि अर्को सफलता हात पार्दै गएका छन ।

उनले अब क्यानडाको ग्लोबल टी-२० क्रिकेट लिगबाट खेल्न पाउने भएका हुन्। लिगको मोन्ट्रेल टाइगर्स टोलीले सन्दीपलाई छैटौँ चरणमा खरिद गरेको प्रगियोगिताको अफिसियल ट्वीट मार्फत जानकारी गराइएको छ। पहिलो संस्करण आयोजना हुन लागेको प्रतियोगिता जुन २८ देखि जुलार्इ १५ तारिख सम्म चल्नेछ। आइपीएलको ११औँ संस्करण खेलेका सन्दीपले आगामी अगस्टमा क्यारेवियन प्रिमियर लिग (सीपीएल) खेल्ने वतार्इएकाे छ।