शुक्रबार सुनको मूल्य स्थिर, चाँदीमा सामान्य वृद्धि

काठमाडौँ । शुक्रबार सुनको मुल्य स्थिर रहेको छ भने चाँदीमा सामान्य वृद्धि भएको छ । नेपाल सुनचाँदी व्यवसायी महासंघका अनुसार आज सुनको मूल्य स्थिर रही प्रतितोला ९८ हजार ८ सयमा कारोबार भइरहेको छ ।

यस अघि बिहिबार पनि सुन तोलाको ९८ हजार ८ सयमा नै कारोबार भएको थियो । त्यस्तै शुक्रबार तेजावी सुनको मुल्य प्रति तोला ९८ हजार ३ सयमा कारोबार भइरहेको छ ।

शुक्रबार, चाँदी भने तोलामा १० रुपैयाँले बढेर प्रतितोला १ हजार ३७० मा कारोबार भइरहेको महासंघले जनाएको छ ।