आरडीटी किट अभाव, भारतबाट भित्रिएकाको परीक्षण रोकियो

बझाङ । बझाङमा कोरोना भइरसको परीक्षण गर्ने किट तथा स्वास्थ्य सामग्रीको अभाव भएको छ ।

बाहिरी जिल्ला तथा भारतबाट आएका ६ सय ७५ जना अझै पनि क्वारेन्टाइनमा रहेकाले उनीहरुको र्‍यापिड टेस्ट गर्न किट अभाव भएको जनाएको छ ।

जिल्ला स्वास्थ्य कार्यालय प्रमुख भानु जोशीले प्राप्त १ हजार १ सय किटमध्ये हाल ६० मात्र र्‍यापिड टेस्ट किट मौज्दात रहेको बताए ।

हालसम्म जिल्लामा ८७५ जनाको र्‍यापिड टेस्ट र ७१ को स्वाब परीक्षण गरिएकामा सबैको नेगेटिभ आएको छ ।