काठमाडौं । विश्वभर महारामारीको रुपमा फैलिएको कोरोना भाइरस (कोभिड-१९) को संक्रमणबाट मृत्यु हुनेको संख्या बढ्दै गएको छ ।
पछिल्लो विवरण अनुसार कोरोना भाइरसको संक्रमणबाट विश्वरभर मृत्यु हुनेको संख्या १ लाख १५ हजार ९९ पुगेको छ भने १८ लाख ६४ हजार ५ सय ५५ जना हाल सङ्क्रमित रहेका छन् । त्यसैगरि, ४ लाख ३३ हजार ८ सय २३ जना निको भएका छन् ।
सर्वाधिक धेरै मृत्यु हुनेको संख्या क्रमश अमेरिका , इटली, स्पेन र फ्रान्स छ । अमेरिकामा हालसम्म २२ हजार १ सय १५ जनाको, इटालीमा १९ हजार ८ सय ९९ जनाको, स्पेनमा १७ हजार ४ सय ८९ जनाको र फ्रान्समा १४ हजार ३ सय ९३ जनाको मृत्यु भएको छ।
त्यसैगरि, छिमिकी मुलुक भारतमा हालसम्म ९ हजार २ सय ४० कोरोना सङ्क्रमित छन् भने ३ सय ३१ जनाको मृत्यु भएको छ।
नेपाल हालसम्म १४ जना कोरोना सङ्क्रमित फेला परेकोमा १ जना उपचारपछि घर फर्किएका छन् भने १३ उपचारत छन् ।
चीनको हुबेई प्रान्तको उहान शहरबाट शुरु भएको कोभिड–१९ लाई विश्व स्वास्थ्य संघठनले विश्वव्यापी महामारीको सङ्ज्ञा दिएको छ ।
