‘ए’ डिभिजन लिग : आज मनाङ र एनआरटी खेल्ने

काठमाडौं । शहिद स्मारक ‘ए’ डिभिजन लिग फुटबलमा आज मनाङ मस्र्याग्दी क्लबले न्युरोड टिम (एनआरटी)को सामना गर्नेछ ।

जारी लिगको उपाधि होडबाट बाहिरिसकेको मनाङ तेस्रो स्थानको दावेदारीमा रहेको छ । मनाङ र एनआरटीबीचको खेल हिजो सशस्त्र प्रहरीको मुख्यालय हलचोकस्थित मैदानमा हुने तय भएको थियो ।

तर मैदानमा खाल्डाखुल्डी रहेको भन्दै दुवै टोलीका पदाधिकारीहरुले गुनासो गरेपछि खेल स्थगित गरिएको हो । सोही खेल आज दिउँसो १ बजे एन्फा कम्प्लेक्स सातदोवाटोमा हुन लागेको हो ।