जिप दुर्घटना अपडेट : १० जनाको सनाखत

बागलुङ । गुल्मीबाट बागलुङको देविस्थानमा कुलपुजाका लागि हिँडेको जिप बडिगाड खोलामा दुर्घटनामा मृत्यु भएका १४ मध्ये १० जनाको पहिचान खुलेको छ।

मृत्यु हुनेमा गुल्मीका वर्ष २६ को चालक रेशम थापा, गुल्मी इश्मा-४ बस्ने वर्ष ४० को सिता कार्की ,वर्ष ६५ को झवी कार्की, वर्ष ४० को बसुन्धरा कार्की, माया थापा, नवलपरासी बस्ने वर्ष ६० को भूमा कार्की, बागलुङ बडिगाड,७ बस्ने वर्ष ५५ को नरमाया खत्री, वर्ष ४५ की भूमि कार्की, वर्ष २५ की मिना बस्नेत  र  धन बहादुर कार्की रहेका छन्।मृतक ४ जनाकाे सनाखत हुन बाँकी छ । जीपमा १८ जना सवार रहेको प्रहरीले जनाएको छ । दुर्घटनामा ३ जना घाइते र एक जना बेपत्ता भएका छन् ।