भुवन चन्दको ‘साइनो’लाई पीजी सर्टिफिकेट

काठमाडौं । नेपाली कथानक चलचित्र ‘साइनो’ले सेन्सरबोर्डबाट पीजी सर्टिफिकेट पाएको छ । चलचित्र ‘साइनो’ हेर्न १६ वर्ष मुनिका दर्शकले अभिभावकको साथ लिनुपर्ने छ ।

‘साइनो’ नेपाली चलचित्रकी प्रथम नायिका भुवन चन्दले निर्माण गरेकी हुन् भने  रमेश थापाले निर्देशन गरेका छन् । निर्देशक थापाले चलचित्र साइनो मौलिक, सामाजिक कथावस्तुमा बनेको बताए ।

चलचित्र ‘साइनो’मा नीता ढुंगाना, मिरुना मगर, राज कुमार, भुवन थापा चन्द, बसुन्धरा भुषाल, मदनदास श्रेष्ठ, राजा राजेन्द्र पोखरेल, रोयदीप श्रेष्ठ, श्याम राई, रेगन क्षेत्री लगायत कलाकारको अभिनय छ ।

चलचित्र साउन २४ गतेबाट प्रदर्शनमा आउने छ ।