एभरेष्ट बैंकको नाफामा १७.९९% सुधार, अन्य सूचकमा पनि सुधार

काठमाडौं । एभरेष्ट बैंकले गत आर्थिक वर्षको चौथो त्रैमासमा ३ अर्ब ४ करोड ६१ लाख ९ हजार रुपैयाँ खुद नाफा कमाएको छ । यो नाफा रकम अघिल्लो वर्षको भन्दा १७.९९% धेरै हो । अघिल्लो वर्ष बैंकले २ अर्ब ५८ करोड १६ लाख ८२ हजार रुपैयाँ मात्र खुद नाफा कमाएको थियो । बैंकले खुद नाफा, प्रतिसेयर आम्दानी, खुद ब्याज आम्दानी लगायत महत्वपूर्ण सूचकहरुमा पनि सुधार गरेको छ ।