महाेत्तरीमा एक महिलाकाे हत्या

महोत्तरी । महोत्तरीको गौशालामा चोरी गर्नका आएका व्यक्तिले धरिलो हतियार प्रहार गरी एक महिलाको  हत्या गरेका छन् ।

शुक्रबार बिहान ३ बजेतिर गौशाला नगरपालिका-१०, भरतपुरका विष्णुकुमार श्रेष्ठको घरमा नचिनेका व्यक्तिले चोरी गर्ने क्रममा श्रेष्ठकी २७ वर्षीया छाेरी अन्जुकुमारी श्रेष्ठलाई धरिलो हतियार प्रहार गरी हत्या गरेकाे हाे ।

गम्भीर घाइते  रहेकी श्रेष्ठको उपचारको लागि जनकपुर अञ्चल अस्पताल लैजाने क्रममा बाटोमा नै ज्यान गएकाे प्रहरी उपरिक्षक ईश्वर कार्कीले बताए । घटनाको सम्बन्धमा थप अनुसन्धान भैरहेको महोत्तरीका प्रहरी उपरिक्षक कार्कीले जानकारी दिए । मृतकको शव जनकपुर अञ्चल अस्पतालमा राखिएको जिल्ला प्रहरी कार्यालय महोत्तरीले जनाएको छ ।