पर्यटक आगमनमा २४ प्रतिशतले वृद्धि, २०१८ मा १२ लाख भित्रिए

काठमाडाैँ । सन् २०१८ मा नेपालमा इतिहासमै सबैभन्दा धेरै पर्यटकको आगमन भएको छ। यो वर्ष ११ लाख ७३ हजार ७२ विदेशी पर्यटक नेपाल भित्रिएका छन्। अघिल्लो वर्षको तुलनामा यो वर्ष २४.८ प्रतिशतले पर्यटन आगमनमा वृद्धि भएको हो।

अघिल्ला वर्षजस्तै यो वर्ष पनि धेरै पर्यटन भित्रिने देशमा भारत र चीन नै रहेका छन्। त्यसपछि क्रमश यूएसए, श्रीलंका र यूके छन्। यो वर्ष भारतबाट दुई लाख चार सय ३८, चीनबाट एक लाख लाख ५३ हजार छ सय दुई, यूएसएबाट ९१ हजार सात सय ८७, श्रीलंकाबाट ७० हजार छ सय १० र युकेबाट ६३ हजार ८६ पर्यटक नेपाल आएका छन्।

यो वर्ष हवाई मार्ग हुँदै नौ लाख ६९ हजार दुई सय ८७ र स्थल मार्गबाट दुई लाख ३७ हजार ८७ पर्यटन नेपाल आएका छन्। हवाई मार्ग हुँदै आउने पर्यटन त्रिभुवन अन्तर्राष्ट्रिय विमानस्थलबाट आउने गर्दछन् भने स्थल मार्ग हुँदै आउने पर्यटक विभिन्न नाकाबाट आउने गरेका छन्। स्थल मार्ग हुँदै महेन्द्रनगरबाट दुई हजार नौ सय २३ पर्यटन यो वर्ष नेपाल आएका छन्। त्यस्तैगरी धनगढीबाट ७६, नेपालगन्ज पाँच सय ९०, भैरहवाबाट एक लाख ६५ हजार आठ सय दुई, वीरगन्जबाट सात सय तीन, काकरभित्ताबाट छ हजार नौ सय ९७ र रसुवागढीबाट २६ हजार छ सय ९४ पर्यटन नेपाल आएका छन्।