प्रहरीका अनुसार, बा ४२ प ४०६९ नम्बरको कालो पल्सर मोटरसाइकलमा आएका उनीहरूले एक युवकको साथमा रहेको ब्याग लुटेका थिए । घटनाको खबर प्राप्त हुनासाथै खटिएको प्रहरी टोलीले तीव्र अनुसन्धान गरी उनीहरूलाई सोही मोटरसाइकल र लुटिएको ब्यागसहित पक्राउ गर्न सफल भएको हो ।

लुटिएको झोलामा केही नगद, रोलेक्स लेखिएको एक थान घडी लगायतका सामान रहेको बताइएको छ । पक्राउ परेकाहरूको साथबाट एक थान खुकुरी र ट्रामाडोल नामक लागूऔषध पनि बरामद भएको प्रहरीले जनाएको छ ।

हाल दुवै जनालाई महानगरीय प्रहरी वृत्त बालाजुमा राखी थप अनुसन्धान भइरहेको प्रहरीले जानकारी दिएको छ । राजधानीमा बढ्दै गएको यस्ता घटनाले सुरक्षा चुनौती थपिएको संकेत गरेको छ ।