सामसङको अत्याधुनिक ‘ग्यालेक्सी वाच-८ सिरिज’ नेपालमा सार्वजनिक, मूल्य ५४,९९९ रुपैयाँदेखि सुरु

न्यूज दैनिक

काठमाडौं । प्रविधि जगतको अग्रणी सामसङले आफ्नो नयाँ पुस्ताको स्मार्टवाच ‘ग्यालेक्सी वाच–८ सिरिज’ नेपाली बजारमा औपचारिक रूपमा सार्वजनिक गरेको छ । विशेष गरी आफ्नो स्वास्थ्य र फिटनेसप्रति सचेत प्रयोगकर्ताहरूलाई लक्षित गर्दै, यो सिरिजले आरामदायी डिजाइन, अत्याधुनिक स्वास्थ्य ट्र्याकिङ प्रविधि र जेमिनी एआईजडित स्मार्ट कनेक्टिभिटीको उत्कृष्ट संयोजन प्रस्तुत गरेको छ ।

स्वास्थ्य निगरानीमा नयाँ आयाम

ग्यालेक्सी वाच–८ मा जडित परिष्कृत ‘बायोएक्टिभ सेन्सर’ले प्रयोगकर्ताको स्वास्थ्यसम्बन्धी जानकारीलाई पहिलेभन्दा अझ सुक्ष्म र सटीक रूपमा ट्र्याक गर्दछ । यसको ‘बेडटाइम गाइडन्स’ फिचर विशेष आकर्षक छ, जसले प्रयोगकर्ताको दैनिक जीवनशैली र सुत्ने बानीको विश्लेषण गरी सर्काडियन रिदमअनुसार सबैभन्दा उपयुक्त सुत्ने समय सिफारिस गर्छ । यसले निद्राको गुणस्तरमा सुधार ल्याउने कम्पनीको विश्वास छ ।

हात नचलाई चल्ने ‘जेमिनी एआई’

यो सिरिजको सबैभन्दा आकर्षक पक्ष भनेको यसमा एकीकृत ‘जेमिनी एआई’ प्रविधि हो । यसको मद्दतले प्रयोगकर्ताले हातको प्रयोग नगरी, केवल आफ्नो प्राकृतिक आवाजमार्फत नै वाचलाई पूर्ण रूपमा नियन्त्रण गर्न सक्छन् । वर्कआउट व्यवस्थापन गर्ने, सन्देश पठाउने वा सामसङ हेल्थजस्ता एप्सबाट अपडेट लिने जस्ता कार्यहरू अब आवाजकै भरमा सम्भव हुनेछन् ।

आकर्षक डिजाइन र मूल्य

ग्यालेक्सी वाच–८ सिरिजलाई पहिलेभन्दा अझ पातलो, हलुका र आकर्षक एर्गोनोमिक डिजाइनमा प्रस्तुत गरिएको छ, जसले गर्दा यसलाई दिनभर लगाउन सहज हुन्छ । यसको डिस्प्ले अझ चम्किलो बनाइएको छ ।

कम्पनीले विभिन्न मोडेल र साइजमा यी वाचहरू उपलब्ध गराएको छ, जसको मूल्य निर्धारण यसप्रकार छ: