काठमाडौं । प्रतिनिधिसभाका सभामुख देवराज घिमिरेले प्रमुख दलका प्रमुख सचेतकहरूसँग छलफल सुरु गरेका छन् । उनले बानेश्वरस्थित संसद भवनको ल्होत्से हलमा छलफल सुरु गरेका हुन् ।
बैठकमा संसदमा आगामी दिनमा पेश गरिने विधेयक र कार्यसूचीबारे गम्भीर छलफल भइरहेको संसद सचिवालयले जानकारी दिएको छ । संसदको प्रभावकारी सञ्चालन र सरकारको नीति तथा कार्यक्रममा सहमति जुटाउन प्रमुख सचेतकहरूको राय संकलन गर्न सभामुखले छलफल आयोजना गरेका हुन् ।
छलफलमा कानुन, न्याय तथा संसदीय मामिलामन्त्री अजय कुमार चौरासिया पनि सहभागी रहेका छन् । उनकाे उपस्थितिले छलफललाई अझ औपचारिक र परिणाममुखी बनाउने अपेक्षा गरिएको छ ।
तपाईंको प्रतिकृया
