सोमबार बढ्यो सुनचाँदीको मूल्य

काठमाडौं । नेपाली बजारमा आज (सोमबार) सुनको मूल्य बढेको छ । सोमबार सुनको मूल्य अघिल्लो दिनको तुलनामा १ सय रुपैयाँ बढेको हो ।

अघिल्लो दिन आइतबार भने तोलामा सुनको मूल्य १ हजार २ सय रुपैयाँले घटेको थियो । नेपाल सुनचाँदी व्यवसायी महासंघका अनुसार यो दिन छापावाला सुनको मूल्य प्रतितोला १ लाख ५२ हजार २ सय रुपैयाँमा कारोबार भइरहेको छ ।

चाँदीको मूल्य पनि बढेको छ । चाँदीको मूल्य तोलामा पाँच रुपैयाँ बढेर प्रतितोला १ हजार ७ सय ५५ रुपैयाँ कायम भएको छ ।