सानिमा बैंकका ग्राहकलाई श्री एयरलाइन्समा विशेष छूट

काठमाडौं । सानिमा बैंकले ग्राहकहरुका लागि डिजिटल बैंकिङ्गका माध्यमहरु प्रयोग गरी डिजिटल भुक्तानीको प्रोत्साहन गर्न श्री एयरलाइन्समा विशेष छूट दिने व्यवस्था गरेको छ ।

कम्पनीको भिसा डेबिट÷क्रेडिट कार्ड वा मोबाइल बैंकिङ्ग गरी डिजिटल भुक्तानी गर्दा श्री एयरलाइन्सको टिकटमा ५०० रुपैयाँको छूट प्राप्त गर्न सकिने छ । छूट पाउनका लागि ग्राहकहरुले श्री एयरलाइन्सको काउन्टरबाट भुक्तानी गर्नुपर्ने छ ।

कम्पनीले समयसमयमा ग्राहकहरुलाई विभिन्न छूट तथा अफरहरु प्रदान गरी डिजिटल भुक्तानीको अधिकतम प्रयोग गर्न प्रोत्साहन गर्दै आएको छ । छुटको विस्तृत विवरण कम्पनीको वेबसाइटमा पनि उपलब्ध छ ।

कम्पनीको देशको सातै प्रदेशमा १३३ वटा कार्यालयहरु तथा १२४ वटा एटीएमहरु सञ्चालनमा छन् ।