नयाँबानेश्वरमा गुड्दागुड्दै बस सडकमा भासियो

काठमाडौँ । काठमाडौंको नयाँबानेश्वर चोकमा गुड्दागुड्दै यात्रु बस सडकमा भासिएको छ । रत्नपार्कतर्फ जाँदै गरेको बा ३ ख ३७६२ नम्बरको बस गुडिरहेको बेला सडक भासिएको हो ।

सर्भिस लेनतर्फको सडक भासिएर चक्का फसेपछि बस कोल्टे परेको छ । लगत्तै यात्रुहरु बाहिर निस्किएका थिए । नजिकै रहेका ट्राफिक प्रहरीहरु आएर बसलाई त्यहाँबाट हटाउन समन्वय गरिरहेका छन् ।