काठमाडौं । शुक्रबार राथि राप्ती नदीमा खसेको बसका चालकले चक्का नमोडिएपछि बस नदीमा खसेको बताएका छन् । सल्यान त्रिवेणी गाउँपालिका ४ का २८ वर्षीय लाल बहादुर नेपालीले मोड्ने बेला चक्का नघुमेपछि बस पुलबाट नदीमा खसेको बताएका हुन् ।
चालक नेपालीले प्रहरीसँगको बयानमा बसको सापट बिग्रिएर चक्का नघुमेपछि बस नदीमा खसेको बताएका दाङका डिएसपी जनक मल्लले जानकारी दिए । दुर्घटनापछि सामान्य घाइते भएका उनलाई प्रहरीले नियन्त्रणमा लिएर सोधपुछ गरेको हो । यद्यपि दुर्घटनाको प्राविधिक जाँच भने हुन बाँकी छ ।
बाँकेको नेपालगञ्जबाट काठमाडौँतर्फ आउँदै गरेको नमस्ते यातायातको भे१ख ३९१२ नम्बर बस दाङको भालुबाङस्थित राप्ति नदीमा खसेको थियो । दुर्घटनामा परी १२ जनाको मृत्यु भएको छ भने २२ घाइते छन् ।
यो पनि : नेपालगञ्जबाट काठमाडौँ आउँदै गरेको बस राप्तिमा खस्दा १२ जनाको मृत्यु
प्रतिकृया दिनुहॊस