काठमाडौं । नेपाल इन्फ्रास्ट्रक्चर बैंक लिमिटेड (निफ्रा) ले निक्षेपको ब्याजदर घटाएको छ । घटाएको निक्षेपको ब्याजदर आजैदेखि लागू भएको हो ।
बैंकले आज सार्वजनिक गरेको नयाँ ब्याजदर अनुसार ५ वर्ष वा सोभन्दा माथिको शुभ पूर्वाधार खातामा व्यक्तिगततर्फ ९ प्रतिशत र संस्थागततर्फ ७.२५ प्रतिशत व्याजदर कायम गरेको छ।
बैंकले यसअघि उक्त खातामा व्यक्तिगततर्फ १० प्रतिशत र संस्थागततर्फ ८.१५ प्रतिशत ब्याजदर कायम गरेको थियो। त्यस्तै, बैंकले प्रोजेक्ट लोनमा ११ प्रतिशतदेखि १३ प्रतिशतसम्म, ब्रिज ग्याप लोनमा प्रोजेक्ट लोनको भन्दा ०.५ प्रतिशत बढी ब्याज निर्धारण गरेको छ।
तपाईंको प्रतिकृया
