भृकुटीमण्डमा कांग्रेस सहमहामन्त्रीमाथि खुकुरी प्रहार

काठमाडौं  । कांग्रेसका सहमहामन्त्री महेन्द्र यादवमाथि खुकुरी प्रहार भएको छ । बुधबार दिउँसो भृकुटीमण्डपस्थित रिपोर्टर्स क्लबमा आयोजित साक्षात्कार कार्यक्रममा सहभागी भएका यादवमाथि एक समूहले खुकुरी प्रहार गरेको हो ।

खुकुरी प्रहारबाट यादव घाइतेलाई उपचारका लागि ट्रमा सेन्टर लगिएको छ । खुकुरी प्रहार गर्ने नुवाकोट विदुर नगरपालिका-७ का श्याम सापकोटालाई पक्राउ गरिएको जिल्ला प्रहरी परिसर काठमाडौंका एसपी कुमोध ढुंगेलले जानकारी दिए । सापकोटाले आफू अभियान्ता भएको बताएका छन् ।