रामेछाप । काठमाडौँबाट दशैं मान्न गाउँ फर्कँदै गरेका यात्रुले भरिएको बस खाँडादेवी–३ भीरपानीको सार्की पँधेरामा दुर्घटना हुँदा एक बालिकाको मृत्यु भएको छ । यस्तै दुर्घटनामा २९ जना घाइते भएका छन् । २९ जना घाइते मध्ये १२ जना गम्भीर घाइते भएका छन् ।
बा ३ख ४६७५ नं को बस आज दिउँसो दुर्घटना हुँदा १३ वर्षीया बालिकाको मृत्यु भएको हो । बालिकाको सनाखत हुन सकेको छैन ।
घाइतेको सिन्धुलीको सुनकोशी गाउँपालिकास्थित भरोसा सामुदायिक अस्पतालमा उपचार भइरहेको छ ।
बस सडकबाट करीब ५० मिटर तल खसेको जिल्ला प्रहरी कार्यालयले जनाएको छ ।
विपरीत दिशाबाट आइरहेको गाडीलाई ठाउँ दिने क्रममा दुर्घटना भएको प्रहरीले आशङ्का गरेको छ ।
प्रतिकृया दिनुहॊस